Punkrock us Züri

punk@entgleist.ch

Züri rännt wänn Beznau brännt

Asyl a dä Sihl

Techmänsch

Mänschesüüch

Mir sind entgleist

Punkcoverarschloch

Alkohol

Mehr auf Facebook oder Youtube

Zum nachlesen

Züri Rännt - © Claude Junker

30 km vor mim Fenster
Staat es huere gfährlichs Monster
Beeznau heisst die Sau
E grosse Gfahr, wie Leibstadt au.

En Riss id e Hülle, es Ventil wo harzt
Dänn hilft der kein Gott und auch kein Arzt
E Leitig wo rünnt, en Schieber wo chlämmt
Dänn heissts nume no…

… züri rännt, wänn Beznau brännt (repeat)

Ganz Aargau und Züri evakuiert
Alles Mänschelääär.
Es Sperrgebiet, bewacht vo de Schmier
Und z’Nacht vom Militär

S'ältischt AKW vo de Wält
staat bi öis nu wägem Gäld
S'ältischt AKW vo de Wält
staat bi öis nu wägem Gäld

… züri rännt, wänn Beznau brännt (repeat)

En Riss id e Hülle, es Ventil wo harzt
Dänn hilft der kein Gott und au kein Arzt
E Leitig wo rünnt, en Schieber wo chlämmt
Dänn heissts nume no…

… züri rännt, wänn Beznau brännt (repeat)
aber das passiert ja niääääääääää

Asyl - © Hansjörg Brugger

Stell dir mal vor du bisch am aabig dihei
Es lüütet a de tüüre dusse staat d’Polizei
Du frögsch was los isch und langsch der an Grind
Und sie packed dini Frau und sie schlönd dini Chind

Du tänksch das isch es heisses Pflaster
Du verchaufsch dini Möbel und nimmsch de Zaster
Suechsch der de Wäg ines anders Land
Und en giirige Schlepper nimmt di bi de Hand

De Schlepper seit, det hine liits
Die suuberi, netti, chliini Schwiiz
Du tänksch ja deete hinderem Rhy
Häts Platz für mich und mini Family

Du schliichsch über d’Gränze möglischt liisli
Doch scho glii hocksch du im Zöllnerhüüsli
De Zöllner redet Schwiizertüütsch und fluechet vil
Du stammlisch nur no öppis vo Asyl

- vo Asyl - A dä Sihl

I dim Portmenee häts aber zwenig Noote
Und s’heisst du segsch no nöd so en Bedrohte
Spöter luegsch usem Feischter im Zug nach Chloote
Und gsehsch das Land, vilicht es Land voll Tote?

Drüü Stund nachdem s’Flugi isch gstartet
Bisch wieder i dim Land wo de Knast scho wartet
S’wird gfoltered bi öi, hät me ghört
Aber daumenand hät das no keine gstört.

En Schwache Trost wänns chömmed di go morde
Bisch wenigstens nöd als Fremdä gstorbe.

Mänschesüüch - © Oli Fuchs

Hamsterchäuf sind alli gmacht
hät grad no glanged für en feine Znacht
WC Rolle müend mer no hole
hät kein meh sind alli gstolle
und das alles mit Bedacht,
me weiss ja nöd wenn's richtig kracht.
I dä Quarantaine hät mer viel Ziit
mer weiss ja nöd wieviel eim no bliibt.

D Süchi chunt, d Süchi Chunt
jetzt wird's bunt, jetzt ghats rund
D Süchi chunt, d Süchi Chunt
jetzt wird's bunt, jetzt ghats rund

Maske, Brülle Händschäh ah
Mir sind jetzt ready für das Trallalla.
Ab jetzt git's keis zruug meh
Es isch als ob all'es veruckt wär.
Wänn und wieso interessiert doch kei Sau,
aber Du, ja Du gsesch eifach blau.
Nächst Station heisst: Corona
und mir sind alli aacho

D Süchi chunt, d Süchi Chunt
jetzt wird's bunt, jetzt ghats rund
D Süchi chunt, d Süchi Chunt
jetzt wird's bunt, jetzt ghats rund